Tanisa!

Amin’ilay takaria diavolana iny, dia miaraka 2 na 3 ny ankizy ka mitaona ny namany manao hoe:”‘Ndeha isika hilalao”. Dia maniraka azy ny ray aman-dreniny ka manao hoe:”‘Ndeha milalao fa injao ny namanareo miantso anareo”. Dia manomboka ny lalaon’ankizy avy eo.

Santionany ity atolotro anareo manharaka ity:

Fianarana manisa! (1)

• Isa ny amontana
• Roa ny aviavy
• telo fangady,
• Efa-drofia
• Dimy emboka
• Eni-mangamanga
• Fito paraky
• Valo tanatanana
• Sivy rongony
• Folo emboka
• Andriamaitibe ny papango
• Kely mitsoka farara ny takatra
• Kely mpamafifafy ny vanja
• kely mpandatsaka aina ny vanja
• Lava tana-tsy miasa ny foza
• Bodokely matavy ny toho…….

Fianarana manisa (2)

• Kanisa, kanisa kanadroadroa
• Tsipily paka, pa-drahateo
• Tsiriry be tan-kazo kely
• Tsy banga akory raiben’ialahy
• Fa manao lalan-droatra ny nifiny ô!
• Ingisa, ingoa
• Talonga drafanga
• Diminga eninga
• Tsitonga valoga
• Isa ny hisatra
• Roa ny voaroy
• telo ny telorirana
• Efatra ny efakefany
• Dimy ny jamoka
• Enina ny tenona
• Fito ny fitatra
• Valo ny vano
• Sivy ny siny
• Folo ny fony

Mba efa nitazana sy nandinika iny lanitra iny moa ianareo? tsaroanareo veh ny fahazazanareo? nofin’ankizy, eritreritra sendra nandalo tao an-tsaina raha nahita ireny rahona sy kintana ireny?? lalaonay fahiny tamin’izany ity manaraka ity:

• Kosokosakoa tain’ondrilahy
• Voangilo, voan-tanantanana
• Tanantanam-bazaha feno doka
• Nodokain’ilay mpanambaka
• Maty ve ilay ikalaratsy vintana ô?

• Tsy ambolana ô!!!

Fomba fiandrasana torimaso io fony aho mbola ankizy ka tsy mbola nanana izany hoe fahita lavitra izany izahay.

Please Donate to HOPE FOR MADAGASCAR