Any ho any

ANY HO ANY

Any ho any izao misy zaza maminany
Tsy mahazo an-tsaina akory
Ny manjo ny ankizy namany
Bongo maso tsy matory.

Any ho any izao misy zaza velon-tsento
Miady mafy izay mba anjarany
Fa na mandalo ihany ny eto,
Miandrandra izy ny ora farany.

Any ho any izao misy zaza mahonena
Mirenireny sady noana
Ampiasaina sy terena
Tsy misy miaro tsy hay ahoana.

Any ho any izao misy zaza mitomany
Tsy manan-dray sy reny hampionona
Fa mpihetraketraka ny tany
Mpisompatsompatra ny olona.

Lalasoa
Taona 2007

Any ho any izao … misy zaza miandry antsika : Jereo eto !